遲到影評：《挑戰者一號》

未講片先講片名，港台陸分別譯為《挑戰者一號》、《一級玩家》、《玩家一号》，三者都唔精準，但挑戰者一號勉強算最接近，玩家一號其次。

原名「Ready Player One」既由來，就係80年代打機開機畫面時既提示，加返個逗號「Ready, Player One (第一位打果條撚樣，準備啦)」， 就會好清晰。
順帶一提，如果係雙打game，1P 死左，就會顯示Ready Player Two，亦即「2P 開波啦」 。

套戲本身就係爽片，尤其是高潮位「俺はガンダムで行く」。可惜咁重要既彩蛋，片商居然放落Trailer度....到正式睇果陣，「市場已經消化有關資訊」...

但電影內容本身，一來唔知佢想傳達咩野觀點，二來太多唔合理既設定：

- 明明經濟未崩潰，點解會出現咁恐怖既貧民窟，連樓梯都無ww
- 如果已經可以係虛擬世界「綠洲」度返工，點解要返現實公司處理？如果唔可以，咁點解可以張揚到係返工時打機，輸左就跳樓？
- 可以購買「殺晒成個星球既角色，將玩家花十年時間經營既心血一秒刪除」既行星炸彈，邊條契弟發明呢種商城道具？
- 敵方創線企係世界第二大企業，但我真心想問，佢地既盈利模式係點黎....因為所有人都去晒綠洲度，而綠洲可以靠賣車賣燃料賣商城，但創線企無可能有權限賣到呢d野，頂多就自製頭像模組。而遊戲需要真人操作，亦即唔可以好似中國大陸咁玩遊戲工廠代客練功賣裝。
除非係當前期投資，好似Uber進軍香港時就用銀彈戰、每月5萬人工 (而家得返1~2萬)。但係網上遊戲，又唔見得係有錢就贏 。創線企拎到彩蛋奪取綠洲控制權既可能性，真係低到....
係啦，講開又講，綠洲創辦人死後，而家係邊個營運架？真接問佢買咪得囉...
- 之前講到創線企咁隻手遮天，又炸貧民窟，又可以自行擄人做奴隸還債，結果警察一到你就舉高雙手被捕做乜...
- 最後主角貌似係想叫人唔好上太多網，咁呢個又係要去返第二點，如果政府解決唔到現實問題，我唔上網我一樣解決唔到架喎。

英格蘭同學的強項？

安西教練：英格蘭同學，你在這次大賽的紀錄長這樣：
對突尼西亞 - 藉角球頂進兩球，
對巴拿馬 - 藉角球頂一球射一球、十二碼射進一球、蛾眉月射進兩球、執死雞頂進一球
對哥倫比亞 - 十二碼射進一球
對瑞典 - 角球頂進一球、高空傳球頂進一球
對克羅地亞 - 自由球射進一球
你覺得那代表甚麼？

英格蘭：呃，我死球超強、頂球超猛？

安西教練：這代表你幾乎沒能力地面傳球傳到門前射球。

是咁的，我不接受口書夾雜

圖書館擅改得獎作品事件中，好很多人認為書面語的行文中混雜口語(不加括號、也不是對白)毫無問題，並拿張愛玲、《烈女傳》為據、又稱「文字沒有任何規範」。

可是，非常遺憾地，每每在我問他們「警員的日常工作是行咇」「臉書是一間好出名既上市公司」「我飲左兩杯水，頓時不再口乾了」「C朗衝前了兩步射門，卻唔好彩把足球撩高了」「初入青春期的青少年，很容易成日沉迷打飛機」「ME今天好HIGH 興請到日本俳優COME到我們呢度」等口書夾雜有無問題時，暫時還未收到回應.....

當然，校對的只能把錯處圈出來，要不要改是作者的事。

最奇怪的片名：《職業特工隊》

講得好像有特務是不收錢當義工一樣的。

要消滅一個民族，先要找個名人配圖

要消滅一個民族，首先瓦解它的文化；要瓦解它的文化，首先先消滅承載它的語言；要消滅這種語言，首先先從他們的學校裡下手。

不要讓青少年有判斷力。只要給他們汽車摩托車明星、刺激的音樂、流行的服飾，以及競爭意識就行了。剝奪青少年的思考力，根植他們服從指導者命令的服從心。讓他們對批判國家、社會和領袖抱着一種憎惡。讓他們深信那是少數派和異端者的罪惡。讓他們認為想法和大家不同的就是公敵。

---- 蘇聯第二任天皇穆罕默德‧適‧胡於1828年首都開羅就職禮發言。