最奇怪的片名：《職業特工隊》

講得好像有特務是不收錢當義工一樣的。

要消滅一個民族，先要找個名人配圖

要消滅一個民族，首先瓦解它的文化；要瓦解它的文化，首先先消滅承載它的語言；要消滅這種語言，首先先從他們的學校裡下手。

不要讓青少年有判斷力。只要給他們汽車摩托車明星、刺激的音樂、流行的服飾，以及競爭意識就行了。剝奪青少年的思考力，根植他們服從指導者命令的服從心。讓他們對批判國家、社會和領袖抱着一種憎惡。讓他們深信那是少數派和異端者的罪惡。讓他們認為想法和大家不同的就是公敵。

---- 蘇聯第二任天皇穆罕默德‧適‧胡於1828年首都開羅就職禮發言。

元朗17億天橋

青色=現有天橋　粉紅=17億天橋



根本上由西鐵去安寧路果part 係多9餘，果個位話佢死城都不為過；
即朗屏一直都有天橋接去安寧路以至穿過去，負荷上亦唔覺有問題。
至於穿過元朗廣場過警署、地面過馬路去亦分別唔大，果度亦唔算擠迫。

亦即係，元朗廣場果一側，人流其實仲OK。

成個元朗最大問題(亦係無得救既問題)，係明渠以東果成段大馬路(尤其中銀開始)，因為讓左俾輕鐵，俾佢霸左4~5條行車線既空間、而行人路亦追唔上市中心既發展。

新天橋根本無助解決呢個問題。

問題係，擠塞既路段(要逛既係晒果邊)，同你起天橋完全無關....。唔會話因為紅隧多車而擠塞，喺理工起多條天橋分流就會令紅隧暢通。
你起多條砵蘭街同通菜街，D人流一樣係係西洋菜街度，因為d人既目的地就係果度，佢地唔係「想經教育路東段or大馬路東段前往朗屏」呀....

總結一下，會有咩野人會使用天橋？
朗屏 - 教育路：本身就有天橋過到去警署，我做咩要行幾百米外既新天橋...
西鐵 - 朗屏/教育路：去朗屏西鐵落車既八成都係去朗屏。
安寧路 - 教育路：果段安寧路有幾多人住幾多人行 =.=
元朗廣場 - 教育路：已有天橋又有斑馬線，足以應付人流。

成個計劃真係免費都唔覺得有好大必要起，更何況17億....

至於咩野通風廊，我自己覺得多條行人天橋應該分別唔大？

自大與自卑

又見到某d 考據，拎d唐詩宋詞去證明有使用某d字詞，等於廣東語最古雅：

我笑說：1300年的唐代根本就還未出現現在所謂普通話，普通話是大概500年前北方蒙滿胡語雜交變種流傳至今的語言，不管詞彙、用詞、都比歷史久遠的廣東話單薄粗疏多了。如果你說熱愛中國的文化不是對人吹水唬弄的話，你就應該學好廣東話，不然你看很多古籍和諗唐詩宋詞就會看不懂讀不通。明白了麼？
蘇軾：「寧可食無肉，不可居無竹，無肉令人瘦，無竹令人俗，人瘦尚可肥，士俗不可醫」的【食】字和【肥】字，正是廣東話。日常例子如～食餸、食嘢、好好食、肥仔、肥佬、肥騰騰。普通話唔系用「食」，系用「吃」，唔系用「肥」，系用「胖」。
李白：「人生得意需盡歡，莫使金樽空對月」的【樽】字，正是廣東話。日常例子如～買一樽豉油返屋企、飮番樽啤酒先、呢個玻璃樽入面系乜嘢來咖？普通話唔系用「樽」，系用「瓶」，一瓶、瓶子。

詩経：「行行重行行，與君生別離」的【行】字，正是廣東話。行行重行行的意思是；行下，停下，再行下，又再停下，非常之依依不捨……廣東話日常例子如～行路、行街睇戲、行出去、行花市、行咗幾遠呀？普通話系用「走」或「逛」，走路、逛街。
杜甫：「朱門酒肉臭，路有凍死骨」的【凍死】，正是廣東話。廣東話日常例子如～好凍、凍冰冰。普通話唔系用「凍」系用「冷」。
李白：「舉頭望明月，低頭思故鄉」的【望】字，正是廣東話。廣東話日常例子如～望住前面、唔好四圍望、望乜嘢？普通話唔系用「望」系用「看」。
杜甫：「肯與鄰翁相對飲，隔籬呼取盡餘杯」的【隔籬】，正是廣東話。廣東話日常例子如～我就住喺你隔籬、隔籬鄰舍、搬過隔籬屋。普通話唔系用「隔籬」系用「隔壁」或「鄰居」。
李煜的「問君能有幾多愁？恰似一江春水向東流」的【幾多】，正是廣東話。廣東話日常例子如～幾多錢？幾多個？普通話唔系用「幾多」系用「多少」。

我也可以抽這些出來去「證明」啊....

孟浩然《春曉》：「春眠不覺曉，處處聞啼鳥； 夜來風雨聲，花落知多少。」的【多少】，正是官話。而廣東話只會用「幾多」。

范曄《後漢書·獨行列傳》：「就語獄卒：「可熟燒斧，勿令冷。」

李康成《句》：「因緣苟會合，萬里猶同鄉。運命倘不諧，隔壁無津梁。」

陳壽《三國志 魏書 劉廙傳》：「劉向新序曰：趙簡子欲專天下，謂其相曰：「趙有犢犨，晉有鐸鳴，魯有孔丘，吾殺三人者，天下可王也。」於是乃召犢犨、鐸鳴而問政焉，已即殺之。使使者聘孔子於魯，以胖牛肉迎於河上。」

李世民《賦尚書》：「寒心睹肉林，飛魄看沉湎。縱情昏主多，克己明君鮮。」也只用了「睹」和「看」，證明「望」字是多垃圾沒文化BLAH BLAH....

結論：如果你說熱愛中國的文化不是對人吹水唬弄的話，你就應該學好.....