通識犯

唔計2004~2012開始籌劃，單單係12年通識科，「它由第一天就有問題」，咁2012~2017、2017~2020 呢9年間，政府（包括特首同教育局）完全無作為，荼毒多少學子，係咪應該搵返一兩件局長出黎祭旗以示負責.... 講到自己好似無份咁

安心化名

其實，市民單憑警員「PC9527」呢組編號，點樣先可以起到警員底？ 一) 政府嘉許，寫落政府憲報 二) 市民駭入電腦 所以，警察會怕起底，我覺得你應該怪人地頒獎俾你。 當然，我好理解工作時俾人起底既風險，始終自己未必行得正企得正。 所以我建議，以後所有政府人員應該使用行動代號，例如特首以後就叫001，政務司司長就叫白紙扇，警務處長當然亦唔可以貼出姓名──叫紅棍，黃大仙警區指揮官就叫廿八座大王，先可以確保警務人員執行職務時可以安心。

反共烈士

其實我唔係太理解，點解大家咁狂熱支持Trump ──我唔去計較佢既私德、公德、反民主手段、撐富人政策…… 係，我知道Trump 反華。 但Trump 既反華係建基於利益──美國經濟既利益、選情既利益，係唔俾中國超越偉大既美國 (如華為)。 所以你見到關稅戰，一收到農產品訂單就立即停低。 更何況就算Trump 真係搽埋印度神油硬一硬，我都好懷疑效用──伊朗北韓俾美國制裁左幾多年，有無變成民主國家呢？ (不過我知我咁好悲觀，大選期間就無謂掃大家興啦。) 成個美國大選入面，最恐怖反而既係口中一直要求民主自由法治既黃絲。 係佢地口中，你會聽到好多2年前藍營既迴音。 「區選泛民舞弊」「民主黨造票」 「黑記偏幫黃絲」「媒體偏幫左膠」 「黃之鋒玩女」「拜登搞細路女」 又或者係雙重標準： 「舉報愛港之聲失實」「唔俾貼硬碟門侵犯言論自由」 恐怖既地方係，你餵埋證據俾佢，佢都會唔小心假扮睇唔到。 試下將佢每一件行為套落林鄭度，大家肯定即時x到反艇，但Trump 做就欣然同意，作為半生渴望民主既人，我無法撐。 但係咪民主黨上台就會奶共呢──唔太可能。即使無Trump 咁爆，反中已經係成個美國方向。拿你唔好拎奧巴馬年代講，08年果陣香港人仲會捐錢俾四川添。 記唔記得奶共既民主黨提出《香港人權與民主法案》，Trump遲遲唔肯簽 (不過佢唔簽都無用，法案10日後自動生效)，仲同你講：「我們必須和香港站在一起，但我也同時與中國國家主席習近平站在一起。他是我的朋友，是一個非常好的人。」 無錯，呢個就係你地口中既反共烈士。

老舞佳

整多幾單商戶執哂 唔使封關死下無壞 個案颷升依舊心態 想開心應該去街 不必將口鼻遮蔽 隨街打乞嚏風裡傳遞 兩手攬攪腰伴著歌舞 腿總不肯安放原位 明日似在遙遠 世間正在轉 跳下老舞姿勢佳 明日似在遙遠 一切在轉 跳你老舞秋快嗨

最差用戶體驗既fb

當年Google 想力推G+ *，因而結束咗旗下最好用既工具 Google Reader **，所以我轉左去Feedly，可惜越來越無人肯寫blog。


始終吸收過教訓，fb同中共一樣，可以隨便ban你而唔需要俾理由你，咁你苦心經營10年既po 同相可以就咁一下子就無晒──上一個a/c 我就係唔肯提供身份證俾fb，於是就違反左社群守則，但我去信投訴時要求fb負責人提供身分證以證明佢係本人，唔知點解佢又拒絕喎....。


但最難頂既，係你要fb去批准你可以睇咩，成日都隔5日先喺牆度睇到po，大佬，我無判斷能力架咩？條友寫野悶我就自然會unfollow架啦，你想賺錢貼多d廣告，每半句就塞一節廣告咪得囉。


*以防有人唔知，係比FB好用得多既FB，不過西瓜靠大邊，最後聲稱有Bug執左

** 以防有人唔知，係可以追蹤網頁更新嘅工具

十年河東

我覺得文字只是載體，正如台灣人日常生活可能會講台語，但會寫書面語，而不會寫台字(台灣閩南語)、原住民語。

不是說閩南語白話書面語就比較低，中原的書面語*1就更高祟。最大的原因，是照顧不會說台語的「外省人/後代」。可是，你會說台灣人的獨立意識不高嗎？
畢竟，學一套語文是雖然很大成本的。我們現在都說要保留瀕危語言，但是放眼一二百年前，可能隔一條村用的語言都不一樣了──但當年的人很可能一輩子都出不了村子，他們沒必要花時間多學一門語言(當然更沒錢去學識字了)，要跟朝廷派來的官溝通，找村子的讀書人來做就好。

但去到今天，人文交流已經是全球化，如果灣仔只會操福建話的同事，跟大埔操圍頭話的同事，要如何溝通？所以，語言大一統是大勢所趨，所以秦始皇才會規定「書同文」。你看有誰會說保衛圍頭話嗎？沒有，你沒想過長頸鹿的感受。
換句話說，只要有誘因，人自然會用「最大公約數」的載體來溝通。而最多人用的，通常都是官話。
十年河東，十年河西。當年大家亢奮地消滅客家、圍頭話，他日廣東話被消滅，又有誰來說呢？當然，因為成本問題，我本身亦沒動機誘因再去學普通話。只是，要下一代去守護廣東話，又憑甚麼呢？

*1書面語最大目的就是讓所有人看得懂，某程度上說是「普通文」倒說得通。

「引起大家誤會」

官狀廢人最最乞人憎既說法，係「引起大家誤會」。
令人誤會，即係話你果句明明唔係咁解，只不過係有人On9理解錯，錯在聽者身上。

「我頭完講左句屌你老母，令你誤會真係好抱歉，我意思係指希望令堂生活安泰，知己滿天下，細水長流。可能當時講得太快同太精簡，如果引起任何誤解，感到唔好意思囉。」

《無得封關無得醫》

封關聲絕無意義　她不會扭轉奶中的心意
就算停屍間塞爆左死屍

縱捨得五百蚊紙送乞衣　但是連買個罩卻都不可以
仍對你笑說無乜嘢　不好意思


啊～廢人做廢事　這點你我早已知

辱加之罪

#我的英雄學院

請不依賴搜尋網頁，說出奧斯威辛集中營任何一位指揮官的姓名？
如果你覺得德國對你太遙遠，請說出蘆溝橋事變帶兵的隊長叫甚麼名字？

如果是「常識」的層次，例如改名叫「西條英機」，那真的無話可說。可是，你在這事件發生前，知道「丸太」不是日常用法中的「圓木頭」，而是731的事物嗎？如果你也不知道，你卻期望/咬定日本的作者必然知道故意辱華？