人哋羊毛出自我身上

我本身唔會用食物外賣平台，因為會鼓勵「人哋羊毛出自我身上」。 

明明平台唔係做慈善，車手都要開飯，但你居然唔使俾外賣費用，咁筆錢係邊個俾平台？餐廳囉。 

大多平台，一張單不管銀碼幾多，車手都統一收一筆錢(時薪+逐張單約$10~20)，再計埋平台自己要賺既，每小時點都要$120──假設車手好努力一個鐘送到4張單，每份外賣成本起碼都$20~25。 

考慮埋平台應該會採取拉上補下既方針，亦即係一張單平均應該需要大約$15，亦即係餐廳要嘔出黎既數。 

換言之，如果一份餐$60，以最簡單食物成本三成、固定成本(人工租金等)三成、利潤三成去計算，你一用左外賣平台，餐廳就會變身做慈善機構。 

咁餐廳一係減少利潤，一係減少可變成本，即係落少兩塊肉俾你、份量整細啲。 

一係，就係加價。

 換言之，為左令大家可以享受到外賣，我地呢班唔用外賣平台既人，可能需要俾多啲錢...。