操行評分制

操行評分制一直以來都有，聖安當女書院最大問題係由等級直接轉換為更可視化既分數制。

咁操行打等級/分數問題本來都不大既，但根據本人經驗，最大問題係扣分容易賺分難：當你每日交齊功課、考試科科賣過百分、專心幫老師刷亮皮鞋、扶同學過馬路，一整年落黎，你亦可能只會得到一個小功；而只要你遲到三次，一個缺點就已經足以抵消小功。
至於大功，考慮到學校應該無幾可有機會拯救生命，最有可能就係所謂為校增光──即係拎獎。拎唔到獎，你就只係一個一無是處既廢人，唔會有任何褒獎鼓勵。


換言之，係獎勵機制上，我完全無動機做個好學生，學校只會訓練出不求有功，但求無過，唔為學校添麻煩既普通人。

以及不成功便廢人既功利主義。