2008年7月9日 星期三

歡送堂口

首先要講既係,蔡瀾先生,我有罪。

我竟然連續四日去左食麥當當既珍寶黑椒漢堡。
而且我仲要覺得好好食呀呀~~
(本來想貼埋理想與現實,不過網上已經夠多了XD)

上一份工作的地方,舉行了歡送會,有成四十幾人出現,嘩,原來小小地方吞吐量都咁大架囧....
呀,歡送會因為左圖四位都會在短期內脫離堂口既剝削

絕對冇誇大,今日幾位舊同事見到我都話我肥左(嗚...),
你睇,一脫苦海立即見效XDDD

不過,真係估唔到係四位前後腳咁走,或者其實如佢地所講,係歡送堂口多過歡送佢地四個。
如果佢地係有心夾埋,咁就真係俾佢地一鑊蹺起(笑)

最高興始終係見到結青,始終都算係最傾得埋;但...一見到佢就代表我要為我既不良飲食習慣懺悔XD。
嗱,我文章首段認左罪架啦,雖然認罪對象係第二個....

可惜只可以出席一陣,因為有先約,坐低一個鐘左右就要去下半場。

下半場就係送生日禮物俾團子。(可惜阿三黎唔到...)

去左間叫「大家食」既麵店隨便叫左D野食、順手玩左D 邏輯、道德測驗。

不過整個過程中比較令我在意既,係右下角既小食.....

2 則留言 :

匿名 提到...

都唔算黎唔到既,係對手無叫我黎者 XD

Wolffy 提到...

原來如此...
好,下次我單獨赴會去你度,當補數XDDDD