申請寬頻要宣誓

(星島日報報道)「現行的《淫褻及不雅物品管制條例》，自二○○○年訂立至今一直未曾檢討，監管的範圍就只限於印刷品、雜誌刊物，及電影電視光碟內容。港府 早前已曾表明，有需要就擴大監管範圍至網上色情內容及相片進行探討。經過連月草擬程序，今日港府將會正式公布首輪諮詢文件內容，並由商務及經濟發展局副局 長蘇錦樑負責主理。

據悉，當局將在文件中提出訂立「不良網頁名單」，凡曾被淫審處評定為淫褻及不雅的網站，都會列入「名單」之內，並建議「設立網頁過瀘機 制」，為家長及學校提供一個網站過濾服務，所有「名單」之內的網頁都會被過攄淨盡，避免十八歲以下人士直接取得有淫褻及不雅成分的網上內容及相片。

候任立法會議員資訊及科技界的譚偉豪指出，「網上難以核實身分，要過瀘機制有效，必需要得到互聯網供應商的配合，提供到哪些是十八歲以下的用戶或家庭」，才可以落實措施。」 (以下略)

---

雖然，你屋企裝唔裝filter，完全係你自由。不過睇完之後首先第一件事諗起既就係，政府圖書館既電腦，亦都曾經裝左Filter，結果，任天堂官網因為暴力、紫藤則因為色情而被扑左。

不過，係圖書館電腦，去Google大神頁面，打sex 呢個Keyword，已經有大把Jable 既圖等緊大家，除非...Google、Yahoo!都扑埋啦，否則，呢種filter真係雙層魚柳飽啦。

而呢位議員既提議，簡直(暫時)係我一生人聽過最低能既一個...
因為申請得寬頻既一定係18歲以上人士，再者，聽講而家ISP都冇用戶既家庭成員資料囉...
莫非日後寬頻Sales都要講句：「請你提供埋你冚家年齡俾我丫？」不過又難保資料唔正確，咁就失去立法原意...

睇黎，申請寬頻要租契？唔係丫，呢招好似只限公屋先有用....
呀係啦，申請寬頻要宣誓！

仲有，而家大家仲點敢放上網呀，用Foxy架啦...

P.S. 我而家先知「過濾」個濾字有咁多種寫法