餅有餅味，打邊爐有沙爹味

蔡瀾話火鍋冇文化*，呢挺on9言論自然俾人插到變向日葵──就算再無技巧，頂多只可以話低文化水平，點可能會冇文化呢。刺身夠係切一切就咁生食...。

我唔喜歡出街打邊爐，純粹係因為技術含量低唔化算，我自己係屋企都整得黎(應該冇人整唔黎)，正如我唔會去茶餐廳食火腿蛋出前一丁麵+牛油白麵包。

當然，咁多人唔似我依然中意出街打邊爐，唔一定係因為佢地笨，可能因為自助形式款式多 (但自助既食材通常都...)，又或者佢地行古惑，需要隨時加入飯局，仲要即刻可以有得食XD。


蔡瀾當然係有料，只不過你當佢係無網絡年代既Openrice就算，佢專欄講既野你連標點符號都唔好信，成篇文我只會保證地址係真。

我唯一唔明既係，你三十年前睇壹周刊/圖書館睇佢本《X樂也》，可能無法親去食店確認真假，但佢都獻出「食餅有餅味」呢句金句，點解仲會有人睇佢啲嘢XD

*雖然之後俾人挖墳查到佢大讚某火鍋店有幾好。