1) 就職典禮很重要。
你中學開學禮夠重要啦啩？施政報告夠重要啦啩？有無見過一人一盤菠蘿腸仔？
正常地諗，教授都唔會因為你唔提供餐點而對你印象唔好，本身學生就未有經濟能力，如果會咁諗緊，點睇都係教授來賓有問題。
ok你想食好d，無咩野所謂，自己享受咪自己出錢囉。
出唔起？噢其實我都買唔起iPhone....唔知有無人..(望在座各位
2) 但既然食店又同意....
過程又無呃無騙，雙方都係智力正常既成年人...
我唔覺得局外人有咩野資格出聲。
你即係否定緊明哥既處理能力，認為佢咁大個人唔可以獨力處理、軟弱好欺？
佢都話唔怪責，你班判官事隔三日仲係度嘈乜？
3) 「R贊助可以但R明哥就唔得」？
一如上面所講其實我唔支持R贊助。
而且如果明知明哥幫緊窮人就真係貪得無厭。
但如果唔知呢？
究竟學生係聽到「SSP有間野老細好好人，肯贊助soc」
定係
「SSP有間野老細成日幫窮人派飯俾露宿者，我地問佢贊助大學生茶會」
無人知，所以無得拗。
你無辦法要求學生R贊助之前查人家宅吧。
除非你有證據/好合理既推斷，否則你唔可以預設佢地明知。
4) 無知是罪
你知唔知道你每食一斤牛肉，會令幾多雨林消失？
唔知？你有罪。
明知？你更大罪。
當然無知唔係免死金牌，但如果無知犯下既錯，都要俾人話「無良心讀壞腦唔知醜」、狗都不如、乞兒兜中...，咁存心既你要點鬧？
我諗，R 贊助唔值得鼓勵，但雙方同意既前提下，亦無咩野好非難。
當然，BU班人事後發現原來會造成另一D人既間接困擾，亦應該要「識做」係道義上表示歉意。
5) Benson 出帖
Benson 想有效提醒學生，的確又無可能逐個私信 BU學生，咁我都覺得要出文。
但措詞太武斷又太情緒化。
6) 網民起哄
班網絡判官太清高了。如果只係上網，我真係以為香港係聖都，果六千蚊通通捐晒俾窮人。
7) 學生回應
D回應柒到無人有。雖然其實佢地唔回應，隔幾日就無人記得了。
8) 學生後續
退款做義工道歉，應做既都做晒，算係咁了。
俾著係我 我都唔敢係十幾個記者面前出現。
雖然我唔中意呢一幕，感覺好似文革跪玻璃(重點係有記者)。
差不多就這樣了。
沒有留言 :
張貼留言