392期Game Wave 混混編輯的垃圾內容一舉公開

全文請參閱392期Game Wave! 《Gundam vs Gundam》(負責編輯為草木蘭)

1)成篇野既內容同兩個月前既料完全沒分別，請問咩野叫「第一手新料」呢？
2)p.13《介面解說》：「畫面上的介面則會以《大地上的高達》作為設計原材料..」
果隻Game叫《聯邦對自護》....
3)《自機情報》：「...當中有使用角色的日文名寫」
名寫→名字
4)《作戰時間》：「...如果相方於時間完結，還未能夠分出勝負，就會列作對方敗北」
相方←雙方；時間到的話是以Cost高低定勝負的。
5)文章各處：「型態」
正確為形態
6)《大魔》：「...腳部設有特別噴射器，機體因此能夠作出高速性移動」
第一，果樣特別噴射器叫做氣墊；第二，高速移動就可以了，唔使下下都加個性字
7)《馬沙專用渣古》：「...機體能力是普通渣古的三倍」
1.3倍而已...(參照：日本維基)。再者，就算計算埋外號上既誇大，充其量都係速度強三倍之嘛...
8)《高達》：「....但無法飛行，因此被人稱為真正的『大地上的高達』」
算不上有錯，但...聽講0079以來所有MS都一樣架喎...直到閃光之哈薩維既Xi Gundam先有MS識飛囉。仲有一個好大既問題，下面會講。
9)《太空坦克》：「...120MM集線砲的攻擊相當可靠...」
120mm低反動加農砲，點樣翻譯先翻到做集線砲架呢....？再者，有玩過《聯邦對自護》既朋友，如果覺得主射擊可靠既請舉手。
10)P.14《基本操作介紹》：「上方按鍵由左至右用作『射擊』、『格鬥』、『飛行』......而按鍵旁的特別小型按鍵就是用作改變電腦僚機作戰方針的指令轉換鍵...」
將「Jump(跳躍)」譯做「飛行」....係你話高達唔識飛架咋....；而閣下所謂既「特別小型按鍵」，我地香港人習慣叫佢做Start掣。仲有，Start掣可以向2P作通訊Say Hi/報告損傷，以及今集Crossover指令都係靠佢架囉...
11)《移動篇》：「空中突破....空中時，玩家連按『飛行』鍵便會進入突破狀態，此時機體便會高速飛行...」
先唔好理Dash/Boost Dash又係點樣譯到做空中突破，問題係，出招方法係「按2次『Jump掣』」，而且冇限定一定要係空中先可以囉...
12)《移動篇》：「機體變型...只需向相同方向推動兩次控掣杆的話，便能造出機體變型」
變型→變形、控掣杆→控制杆/控杆、造出→做出；以及...方法是按著Jump 掣+快速移動控桿往同一方向兩次，你所寫的，叫做Step。
13)《攻擊篇》：「接下射擊鍵時，機體便會作出正常射擊....」
接下→按下；你認為高達既火神砲、Z高達既榴彈砲係一種唔正常既射擊...？
14)《攻擊篇》：「同時按下射擊和格鬥鍵時，如果機體擁有次級武裝的話，便能作出另類射擊。當通常射擊武器完盡時，次級武裝將會成為大家的不二之選」
好一個次級武裝射擊....算了，不要管Sub射撃(副射撃)的譯名問題了；重點是價值觀問題：Sub射擊並不是「通常射擊武器完盡時的代替品」！例如高達既火神砲是用作牽制敵人、Z高達既榴彈砲用黎打Down、老虎改既電熱鞭更加係主力技，各有不同用途...
15)《攻擊篇》：「防禦...」
擁有實體盾既機體，的確如文中所講將盾牌部份對住攻擊則可自動防禦。不過你漏左講光束盾既機體(使用方法則為將控桿拉後再按格鬥掣(後格鬥)。)
16)《陸戰高達》：「在原著漫畫中，08小隊於多場戰鬥中取得驚人戰績...」
是動畫....OVA來的。
17)《老虎》：「以重裝武器為主要裝備，戰力相當驚人，在近戰和遠戰上都能發揮機體的靈活性...」
機體名字是老虎改； 75mm格靈式機關砲一枝、電熱鞭一條、熱能劍一柄，係邊方面稱得上係重裝武器...???以及...你指老虎係遠距離戰既靈活性，係咪指閃避人攻擊....?
18)《NT1》：「RX78的正裝改造強化機體...」
正裝→是指武裝??無論如何，那是完全兩部不同的機體，冇話咩野改造強化...
19)《渣古改》：「宇宙戰時的密集式攻擊相當可觀..」
渣古改由巴尼改造，世上只此一部，何來密集式?
20)《GP03S》：「...在太空的攻擊力和機動力相當強勁，多次把敵人戰艦直接破壞....」
先唔好理火力係咪「相當強勁」(GP03S只有光束步槍、光束軍刀和可接疊式火箭砲而已)，重點係劇中， GP03S只有一次因武器庫(即係後面個大貨櫃)正接受補給中受デラーズ・フリート攻撃，而以本機迎撃，但之後便立即到Eye-Catch，回來時戰鬥已 經完了，結果我自己就一次戰鬥場面也沒看到，編輯你點樣見證到「多次把敵人戰艦直接破壞」架？
21)《高達MkII》：「...射出武力橫強的巨大米加粒子炮」
橫強→強橫；不過...武力強橫??很..怪的中文。P.S.：MkII的Long Rifle(長距離來福槍)並不是米加粒子電，而是光束兵器。
22)《卡碧尼MkII》：「手掌上的集線炮為主要攻擊」
大空坦克既低反動加農砲你又係譯做集線砲、卡碧尼既光束槍(Beam Gun)你依然係譯做集線砲，我懷疑你係咪將所有唔識既武器統統都咁處理...
23)《Z高達》：「...武器分為白兵戰武器和強襲用武器，兩種裝置都可以變成戰機型態，機動力上有絕對的保證」
真係估死人囉，仲係度想像緊把光束步槍係咪可以好似R-Gun咁玩變形......(Z高達可以隨時轉換成Beam Rifle Mode 和 Hi Mega Launcher Mode，兩種形態都可以變形成MA)
24)《V2高達》：「當V2高達重創時，更可以即時換裝再次投入戰鬥，可想而知它的續戰力實在相當驚人」
睇唔明...按理唔係指爆左復歸架啦，呢樣部部機都識；但如果指換裝成Assault Buster V2，又好似唔使重創限定...
25)《X高達》：「其火力用來攻擊整個地球也是卓卓有餘」
卓卓有餘→綽綽有餘
26)《沙撒比》：「機體以高機動為開發要點」
重火力啦...
27)《高達F91》：「由於參與多場戰鬥的關係，機體的質量出現了微妙變化，引致裝甲出現了脫離現象」
正解：隨著機體温度上昇，全身的重金屬塗料會出現剥落，在此時移動的話會留下類似殘像的現象。和一般單純的殘像不同的是，這些殘像擁有微量的質量，肉眼、雷達和精神感應裝置都難以識別。亦稱之為「擁有質量的分身」。
28)P.15《∀高達》：「沈睡在地底的傳說高達」
那是在地上的...，藏在某石像內。
29)《ν高達》：「阿寶的最後戰機，機體由月面機地開發」
戰機=.=; ；機地→基地；開發的是阿寶(有份啦XD)、製造的是位於月球馮‧布朗市的阿拉海姆工場。
30)《神盾高達》：「可以變身成機動型態，把對方活活捉緊...」
變身→變形。變身是特攝片角色專用的。
31)《耐久力減少系統》：「...當機體被擊落後再次重生時，你會發現機體的耐久力是不會到達原有耐久力的最大數值。即是玩家被擊落後，重生機體的耐久值會比首次出戰時的機體越少」
越少→刪去「越」；一句，錯漏百出...貼上正確的資料：
■OVER COST
機體復活時，會因應餘下的COST是否足夠而決定其後活時的HP量。
舉例說：3000+2000的場合。


COST 2000的機體被擊墜，由於總COST為6000，剩下4000COST。
COST 2000的機體復活→由於餘下的COST還有4000，故會以完全的狀態下復活。


如此時COST 3000的機體被擊墜，剩下總COST只有1000
COST 3000的機體復活→由於餘下的COST只有1000，COST 3000的機體會以1/3體力復活。


3000+1000的話，如果1000的先被幹掉剩下的總COST也有5000、
接著3000死掉的話，剩下總COST為2000，所以會以2/3體力復活。


即使是2000+1000組隊，在餘下的COST只有3000時死掉的話，
COST 2000的機體也會沒了一半體力。


而2000+2000、1000+1000組隊的話，誰先死掉也沒關係。

32)《支援部隊見參》：「不過，如果玩家長時間生存於戰場上或者被對方擊落後時，支援部隊呼喚次數都會慢慢上升」
擊落後時→擊落時。還有，長時間生存於戰場上這一點是錯的，你呆在戰場多久都不會回復。

本來冇咁好氣同佢Proof Reading架啦，不過越睇越火大。都係果句，唔識既，網上世界絕對幫到你，但睇上文...雖然我知大家都未玩過，你都係同我一樣搵料翻譯/直接套用有關資料，不過錯得咁離譜，我就有d質疑佢作文堂係咪拎好高分...
仲有，編輯最低要求唔係中五畢業咩...咁多錯字